界外球 The Outsider

英超最後一輪，伯明翰、黑池英冠再見！

2011-05-23T03:03:00.000+08:00

鬥到最後一輪，唔係英超冠軍誰屬，而係邊隊陪韋斯咸去英冠玩！如果有睇直播既朋友，上半場同下半場，簡直就係天堂與地獄，未到最後真係咩都可以發生！

布力般如果唔係印度老闆怒炒大傻，由阿蘭拿斯領軍既“暴力般”我估唔使搞到護級掛？好衰唔衰就係搞到咁，仲要去到呢場對狼隊，整番場護級大戰。上半場布力般射到3：0，大家都開始覺得狼隊無救，因為另一邊曼聯被黑池迫和，伯明翰又和，韋根又和，得失球差又無左優勢……點知下半場自己追下一球追下一球，亨打入球靚波2：3，全場興奮喇！點解？黑池重傷麻，輸夠2：4，另一邊伯明翰追一度落後0：1，力追到1：1，得失球比狼隊差，最後仲比柏夫尤真高射多腳靚波輸埋、摺埋……所以韋根扑濕史篤城，都顯得無關痛癢，布力般同狼隊留低，伯明翰同黑池就英冠再見……

其實伯明翰要搞到降班，同佢地既風格太懲同攻擊力弱有直接關係。37球，一季就只有37個入球，單係主場就已經俾人入左36球；主場贏8場、作客只贏2場既成績，又點可能唔降班？數字未必可以說明一切，但係數字講俾我地聽，伯明翰抵死！

至於黑池，單係講兩循環入到曼聯每場各2球，就已經唔係咁多隊可以；不過一場輸2：3、一場2：4，又可以引證到黑池有前無後打死罷就既心態。同之前既侯城一樣，上半季大打進攻、搶攻足球，係榜前列一大輪，之後亂棍一招無人不曉，隊波就原形畢露，係咁輸……其實韋根一季只係贏得9場波，黑池就主場作客各有5場勝仗，但係韋根和左15場波，而黑池只有9場，黑池入55球失78球，韋根入49球失61球，明顯韋根知英超點踢，唔好太主攻，有分就袋喇！黑池自殺式既踢法，今年唔降下年都要降，今年都仲有一句「雖敗猶榮」！

伯明翰攻力太弱，英超唔啱你……

黑池有前無後、打死罷就，終於出事！

鎚仔幫降班！

2011-05-18T03:28:00.000+08:00

雷神奇俠都幾好睇，因為有唔少打鬥場面，其中雷神托爾既"雷神之鎚"非常厲害，托爾無左就費人、有佢就醒神！不過英超既大鐵鎚就無咁勁，仲成為今屆英超聯第一隊降班球隊，今期既主角鎚仔幫韋斯咸(West Ham united)。

其實今屆韋斯咸都幾怪，好似佢地長期第尾，不過就出左個英格蘭足球先生柏加(Scott Parker)；佢地隊波無出名球星咩？一定唔係柏加、羅比堅尼(Robbie Keane)、布歷治(Wayne Bridge)、格蓮(Robert Green)、卡頓高爾(Carlton Cole)、丹巴巴亞(Demba Ba)，不過佢地既入43球同失67球得失球-24，全英超最差！其實睇佢地既波都知，佢地入球率係主場同作客都唔差，可惜前面入埋都唔夠後面輸，作客失球高達38球，成日都大手交易，明顯出事既地方係後防。1月之後入左一對前鋒，其中丹巴巴亞作用明顯，10場比賽入7球，效率咪話唔高！同時間入左中堅達哥斯達(Manuel Da Costa)、借用布歷治。達哥斯達助攻一流、防守九流；布歷治無速度、又無傳中能力，係曼城費左武功，加上厄遜(Matthew Upson)受傷之後中堅明顯無人補到佢個位，成日甩漏、有球必應……

另外一個問題，在於領導層既問題。高特(David Gold)同蘇利雲(David Sullivan)呢對組合，將手上既伯明翰(Birmingham City)出手之後，再次投入足球市場，入股收購韋斯咸。不過幾年前既冰島富豪馬古臣入主球會，大灑金錢買左一大批人，跟住自己破產連累球會，可以話原氣大傷。高特入主球會，同佢以前入主伯明翰一樣，都係小買小賣、借得充借，咁搞法球會既組軍就係由失意軍人加球會青訓舊人組合而成，戰鬥力成疑。

羅比堅尼傷不逢時……

上季季尾由前車路士領隊格蘭(Avram Grant)代替蘇拿(Gianfranco Zola)出任領隊，而家睇番又係一錯。格蘭好有佢既理論，不過就唔多見到佢帶波既風格，特別係佢地輸緊波既時候，佢真係亂排四前鋒去打！當然傷兵都幾困擾住佢，不過明顯連續兩屆帶隊降班，佢都幾黑仔。

鎚仔幫降班，係幾令人失望，不過佢地都唔係第一次降班，上一次升返上黎，都係幾年前既事，寄望佢地下年英冠努力喇！

柏加攞足球先生獎，都阻唔到球會降班……

界外球‧世界盃來了！

2009-12-05T13:49:00.001+08:00

界外球‧世界盃來了！
對於上屆2006年世界盃大家又有什麼回憶？決賽的施丹頭捶？巴西神奇四俠大跌watt？定係義大利四奪世界盃？想一想，時間就是不肯停下來，四年時間就這麼快過去，06年一起看決賽的人，這一回還會跟你一起看嗎？

尋晚凌晨國際足協就舉行了2010年世界盃的分組抽籤儀式，並確定了各小組的名單。其實到真正比賽時間，尚餘半年時間左右，現代足球比賽太多，做成球員傷病十分嚴重，未到正賽時間都不知道誰能上陣與否，所以各隊實力還有很多變數存在。

今屆抽籤儀可以說是巨星雲集，獲邀嘉賓超過二千人，當中包括南非前總統曼德拉、國際足協會長白禮達、歐洲足協會長柏天尼、德國名宿碧根鮑華、尤西比奧、米拿，當然唔少得為英格蘭爭辨2018年世界盃的碧咸，他更是現役球員中擔任嘉賓的唯一歐洲代表！三十二支決賽周球隊領隊或代表等當然不可少！好了，看一看各組形勢！

A組：南非、墨西哥、烏拉圭、法國
B組：阿根廷、韓國、尼日利亞、希臘
C組：英格蘭、美國、阿爾及利亞、斯洛文尼亞
D組：德國、澳洲、迦納、塞爾維亞
E組：荷蘭、日本、喀麥隆、丹麥
F組：意大利、新西蘭、巴拉圭、斯洛伐克
G組：巴西、朝鮮、科特迪瓦、葡萄牙
H組：西班牙、洪都拉斯、智利、瑞士

A組﹕老實說，法國雖然以不名譽的"手"法，在附加賽淘汰愛爾蘭晉級，不過爛船也有三分釘，前中後場不論經驗或實力都是上乘的星級人馬，所以首選是法國。而墨西哥跟烏拉圭都是有實力的球隊，我想都能對法國造成不大不少的壓力。東道主南非…我想他們會是近年表現最差的主辦國。最後期望亨利可以再一次用實力為自己正名！

B組﹕這一組阿根廷可以說，是實力最強的一隊，牌面粒粒皆星，不過最弱的一環，非教練球王馬勒當拿莫屬！老馬帶波成績如何？有眼見！更因為"爆粗"，連進入抽籤儀式也不可以！有星級陣容，卻打出一般成績，唉……韓國在02神蹟之後，實力仍是亞洲一班、世界二流，不過肯打肯搏之餘，靜悄悄的輸出不少球員留洋學法，仍是16強出線黑馬。尼日利亞正處交接時期，能否有一番作為仍屬未知之素；相反有點青黃不接的希臘，仍然只有寄望教練列哈格。

C組﹕英格蘭可說抽中上籤，皆因對手看似強橫，實則實力見底的疑似黑馬。美國在洲際國家盃的表現不俗，老中青球員的交接慢慢進行中，跟大聯盟的慢慢成熟不無關係，是此組次名的個人之選。能淘汰有"沙皇"艾沙雲壓陣的俄羅斯，斯洛文尼亞靠的鐵一般防守，在決賽週是不是仍然有效呢？阿爾及利亞擊潰埃及的說服力不足，在傳說最強一屆的非洲球隊群中，可能要敬陪末席。

D組﹕此組跟C組十分相似，德國鶴立雞群，如無大面積傷患，是實力超班的球隊。迦納有強橫的中場線作支持，經過06一屆的洗禮，今屆可能有驚人的表現！塞爾維亞在外圍賽打得很出色，不過他們在決賽洲上常有走樣的表現，值得留意。澳洲沒有希丁克，如希臘沒有列哈格，如果沒有脫大入亞，能否出線是一個疑問。

E組﹕不用說荷蘭跟喀麥隆攜手出線最正路，始終日本實力因球員大面積的外流，而有明顯的進步，可惜實力上有很大的差距。而丹麥的出線決賽週，一直都是我的疑問，葡萄牙跟瑞典真的墮落至如此地步？還是做不了施丹就只有做馬基利尼，一味靠力？丹麥…我只看到足球的"力量"……

F組﹕意大利如何不濟，我看也不會輸給紐西蘭吧？不過巴拉圭跟斯洛伐克均非善男信女，意大利可以說是可勝不穩。斯洛伐克在跟捷克一道尚未獨立之時，經常"外輸"球星予捷克，如今自己打正旗號打世界盃，我看還是務實的學習心態為佳。巴拉圭可能是讓人驚喜的一隊，值得大家留意。

G組﹕巴西可以說是實力最強的一隊；葡萄牙緊隨其後，外圍賽上面對力量型的北歐兄弟，暴露了他們對抗性不足的弱點，可是技術流的葡萄牙，在決賽週上會有作為。科特迪瓦牌面嚇人，不過杜奧巴老了，高路托尼慢了，個人認為他們號稱非洲最強，卻有很大機會成為令人最失望的球隊之一。朝鮮好像很神秘，其實出線也只是一道板苦，守！他們靠體力悶和對手，打出一個0:0的和局，這一招在世界盃上，我看是行不通的。有人說這一組是死亡之組…我看，未必，倒是朝鮮悶死葡萄牙，有一點看頭！

H組﹕這一組西班牙如果不能出線，比02年法國折翼同樣震撼！不過洪都拉斯實力平平，很難想像他們有當年塞內加爾手刃宗主的力量。而智利跟瑞士實力不相伯仲，當然智利看高一線之下，次名出線之位反過來是焦點所在。

好，一口氣分析了六組形勢，很想用winning eleven 2010來預演一下，誰知道我的Xbox360死了機……

碧咸有型之餘，敬業精神值得學習！

南非土產奧斯卡影后查理絲花朗(Charlize Theron)，仍然咁靚！

前喀麥隆球星米拿，他教曉我們老將的價值！

不知道黑豹‧尤西比奧C有沒有教朗如何打朝鮮呢？幾十年後仍然是朝鮮vs葡萄牙！

近期因為法國跟愛爾蘭的麻煩而苦惱的國際足協白禮達

英超新球衣出場！

2009-06-28T18:54:00.011+08:00

季尾轉會新聞日日都講，皇馬做晒主角，太多人講…好我唔講，不如講下英超新波衫！英超有一條特例，歐洲各地聯賽、甚至蘇超都無既---就係各英超球會既主場波衫一定要著兩季，作客球衣例外。當中亦都有特例既，好似05-06年阿仙奴有一季著深紅色波衫果一季，佢地就無跟呢條例，無他既最後一季高貝利作賽既紀念版播！而波衫既法都係唔想球迷們買衫買到窮。講左咁多第一件要介紹既，就係……

1.利物浦

睇睇下，好似又真係無咩特別…只係改左白色V領既設計……

相反呢件作客，用番綠色都幾好，灰色年代既利物浦可以收工喇…雖然我覺得上季作客好靚，仲係奧脫福打個4:1返歸……(圖太細，大家上官網睇…)

2.車路士

一個字型！我唔係車仔迷，但係咁新科技既設計，真係要諗諗佢！波衫一直都係大路既POLO領、V領或者圓領設計，好多年前紐卡素出企領可以話有少少破格，點知今年車仔出左個偽拉鍊領，即係唔係真係拉鍊，但係勁似係既設計；加上胸前既暗花，真係幾正！

波歷克真係幾型，比人笑品味差…咁齋著波衫囉……

作客同樣破格…不過同主場差唔多色…作死唔通又出第二作客、歐聯作客？

介紹咁多先！不過加插一件英冠波衫……紐記作客，唔知大家又會覺得點呢？

轉會新聞﹕
1. 維拉傳收購德甲拜仁中場保路斯基---現年29歲既德國中場，上季轉投拜仁可以話失敗收場，英超維拉出價500萬磅，唔知成唔成交呢？用佢黎代替離隊加入油王兵團既巴利…要睇睇先知…

2. 兵工廠出錢截擊紅魔收購賓斯馬---效力法甲里昂既法國國家隊前鋒賓斯馬講過，唔係好想踢英超，而且今年唔想離隊，唔知係唔係吊高黎賣，費sir講明要入手呢件高大前鋒，作價2500萬砟咁話，哈哈…一路俾人笑出手孤寒既阿仙奴竟然話要搶到手……都係果句，要睇睇先知…

巴塞眾望所歸‧曼聯輸在太囂

2009-05-29T20:22:00.005+08:00

對好多球迷黎講，球季已經隨住星期三既歐聯決賽而結束喇。點解？因為各大聯賽收工既收工，未收工既，都係得番一兩場波未打打，冠軍、降班都呼之欲出，歐聯都打埋，大家可以提早抖暑喇！不過講番歐聯先，決賽既戲碼係由英超冠軍、上屆歐聯得主曼聯，對西甲雙料盟主(西甲、國王盃)巴塞隆拿，喺意大利既羅馬奧林匹克球場一決高下。今年無120分鐘既水戰死鬥，亦都無搏甩脾、打爆門牙帶血流吞既激情，有既只係同歐洲國家盃一樣，由西班牙…唔係係由加泰隆尼亞式"4號"中場主宰賽事，2:0既賽果都唔能夠描繪出巴塞控制成場比賽既實況。曼聯係中場盡失、進攻無力之下，兩次技術性既"失誤"，未能成為自92年改制已黎第一枝蟬聯冠軍既球隊，但係巴塞就成為第一枝西班牙既三冠王！

講左咁多，成場波可以用驕兵必敗黎形容呢場波。星期二既羅馬機場，C朗、維迪等等既曼聯球員，一落機就西裝畢挺意氣風發，好似過黎係捧梗盃志在必得咁。無他既，巴塞隆拿係四強戰，對住曼聯既手下敗將車路士，踢到鬼死咁辛苦，唔係恩尼斯達既世界波，分分鐘已經出左局。上場波前鋒美斯、中場大腦沙維都踢得唔好，最慘就係左閘艾比度領紅、右閘丹尼爾艾拉維斯領黃夠分，決賽一定要停賽，費爵爺一睇到咁既消息，可能笑甩下爬…巴塞後防一路都好唔穩定，就係丹尼爾叫做俾到人信心，而左閘一路都無一個好既後備，無左艾比度得番巴西老將斯雲奴，仲有個神經龍門域陀華迪斯，後防真係危危乎。當然C朗近期好fit，對波圖既遠射、對阿仙奴既罰球，同埋喺英超既表現，都俾到大家信心，呢次決賽會比上一年打得好。上年曼聯四強既時候，對手正正就係巴塞，當時佢地都令對手打唔出水準，間接令荷蘭藉教練列卡特下台。歷史上三次係羅馬打既決賽三次都係英格蘭既球隊勝出，睇牌面曼聯真係高過巴塞好多。唯一隱憂係中場費查因為停賽出唔到。

呢次對巴塞黎講真係一次挑戰，除左有主力停賽之外，教練既經驗同戰術既設定黎講，佢地都係處下風。費格遜縱橫球壇三十幾年，教曼聯呢廿幾年，要贏既佢都已經贏過晒，三冠王佢99年已經帶隊做到喇！相反哥迪奧拿無帶隊既經驗，今年戰績真係唔錯既，不過同費爵爺一比，真係差好遠好遠。上場對車路士，哥迪奧拿唔係無危險架，補時世界波之前，巴塞真係無晒車仔辨法。車仔既領隊都係老帥，荷蘭既金牌教練希丁克是也，兩隊一打就試出對方係老手，第一回合唔同你玩守未訣，第二回合肉搏戰之下，大場艾辛一腳遠射收死巴塞，成場壓迫巴塞，嘩！唔好睇但係好實用播！無奈真係陰謀論又好、球證堅持己見好，幾球十二碼可判無判，車仔出局可以話欠運。

好，真正既比賽又點呢？哥迪奧拿知道自己既三前鋒打法比人睇通，佢稍稍作出調動，將伊度奧同美斯cross over交換黎打，咁右路改打右閘既佩奧爾就唔使陪美斯跑，而對家左閘艾拉就要對又大隻又快既伊度奧。左邊亨利就一路靠邊拉扯奧沙同朴智星，製造空間比斯雲奴，將球場闊度拉開，減低左邊既壓力。防中就改用新人巴斯基斯，將原本人選耶耶托尼退一格打中堅，保持中場一定截擊同後防既防空能力，並善用托尼轉身快夠硬淨既特色。曼聯方面費爵爺可能相信C朗fit，而且對家主力停賽，想趁佢病攞佢命，打番無中鋒陣式，朗尼同C朗遊走左加兩邊，朴智星就係後少少支援既後上前鋒，中場留低老將傑斯，搭上攻防俱佳既卡域克同安達臣，後防無大變動之下，同巴塞對攻！

講完排陣，真係打既時候曼聯可以用出事黎形容！頭十分鐘曼聯可以話真係攻得唔錯，其中C朗就有一次離門三十幾碼既距離試過下水，華迪斯論論盡盡甩手，朴智星差半步近門射高；又一次扣過碧基黎一次遠射射斜，巴塞fans幾驚呀，咁早失波唔通又好似對車仔咁？不過轉捩點黎喇……比曼聯壓到抖唔到氣既巴塞，由中場恩尼斯達欄截得手，一路帶波帶到大禁區頂，沿途安達臣、艾拉、卡域克都好似陪跑咁，一心等佢傳波又或者等佢入禁區既時候夾佢，點知恩尼斯達早知你班人既心態，就係帶到禁區邊艾拉趕過黎聯防巴時間，斜傳俾伊度奧落底，維迪趕到一心閘住佢無死喇，哈哈…伊度奧真係大賽球員，你估佢唔到之下，黎個世紀之cup，一個假身就cup過維迪，再黎一下怪腳一撥，雲達沙都捉到路，但係快成咁怪成咁，都係阻唔到巴塞第一腳射門第一腳就入波1:0！

伊度奧入波後興奮到喊……

之後戰情一面倒，費爵爺可能以為係朴智星、安達臣唔掂，下半場分別換入泰維斯同貝碧托夫，甚至有行家講傑斯唔ok，爵爺換埋史高斯，但係巴塞輕鬆控制中場之下，最後都係再入多粒。中場曼聯球員誤會，俾佩奧爾搶到，交俾沙維無人看管之下，傳左個靚波啱啱笠死李奧費迪南，美斯又叻仔乖巧地頭槌笠埋雲達沙。2:0既戰果，都無得投訴喇！

優勝劣敗，係好正路既事，但係曼聯有少少係敗係自己手下。第一排陣上面錯估對手既後防，因為主力停賽既陣腳大亂，點知人地踢出穩定既水準，連斯雲奴咁耐無踢，都交足功課。相反中場方面將不擅欄截既傑斯排係安達臣同卡域克身邊，就好莫名其妙。如果將朴智星放中場，可能效果會好d，只係費爵爺唔想C朗係左邊要讓位俾傑斯，就硬放傑斯打中場……如果咁唔放泰維斯打正選仲怪！留力？有離心而疑人不用？另外費查停賽，中場無人肯掃垃圾，間接令中場唔夠人撞之下，進攻只能單調咁放長波，走既人又只係得朗尼，朗尼呢場波都幾無奈，C朗唔交波俾佢，佢又過唔到中場，成場波除左協防同墮後攞波之外，真係無咩貢獻。你放長波就正中哥迪奧拿既計劃，明顯佢唔用佩奧爾夾碧基，係因為佢要保持後防線既防空能力，係中場方面佔優，曼聯就只係剩番高波一路！曼聯後防又被人睇到佢地既漏洞，就係艾拉好助攻，而且同身材差唔多既對手有對抗性優勢，換一換伊度奧就出事。而維迪轉身慢、李奧太用腦同錫身，都直接令巴塞入波。第二球中堅唔緊釘對手，李奧難辭其咎。其實車路士用壓縮中場呢招咁成功，點解曼聯唔用呢？相反俾到對手喺中場自由活動，巴塞又難會有胡唔食呢！C朗係fit，但係佢一向都唔係大賽球員，一到關鍵時候佢就會變得好獨食，根本上對整體發揮有好大既阻礙，分分鐘用貝碧托夫、泰維斯都好過用佢。所以成也C朗敗也C朗！

點都好，今季歐聯既得主巴塞，可以用技術性擊倒對手，而成為三冠王之後，哥迪奧拿既巴塞隆拿，會唔會建立起牢不可破既新巴塞重朝？夢二之後呢隊夢三，下年又會點呢？真係令人好期待。而曼聯輸波之後，費爵爺當然好唔滿意，隨即拉住班波係咁鬧喇！點知俾記者影到，費爵爺手指指，C朗竟然怒目相向！仲要唔係一下，係幾分鐘……泰維斯好想留隊，但係曼聯表現唔太積極，佢離隊又好似已成定局……史高斯、傑斯已經老態龍鐘，而安達臣、保斯邦又好似唔夠班，中場得番卡域克、費查同成日傷既夏格維斯，曼聯夏天會唔會再搵人呢？下季再算喇……

C朗發費爵爺脾氣…又想走？！

AC主場不敵羅馬‧紐記下年英冠再見！

2009-05-27T01:00:00.001+08:00

由於呢個星期實在太忙，所以遲至今日先出呢篇新既文章。隨住兩個星期前曼聯、巴塞同國米最終登基成功，上星期三又有蕯克達攞走歐協盃，岩岩過左既星期六禾夫斯堡又第一次做一哥，捧起左德甲既"大餅"聯賽錦標，最後只係剩番歐聯同埋英國足總盃未知花落誰家。

一年容易又暑假，不過就正所謂有人歡喜就有人愁，睇下意甲方面AC米蘭又細哨又碧咸，湊到成枝銀河艦隊二代咁，最後一場竟然主場輸左俾羅馬，陰公…仲係馬甸尼最後一場主場既意甲比賽，睇住佢一臉茫然咁既款，唉…90年世界盃既俊俏左閘，都真係時候退休喇。

講番比賽先，如果齋睇數字，兩隊又踢得差唔多啫，AC射門19中8，羅馬就18中7，控球指數仲係AC有55%對羅馬得45%，兩方面都係AC佔優。但係射門比人多都要中龍至得，羅馬左後衛懷斯係36分鐘，接應大衛比沙路橫傳既罰球，左腳怒射破網上半場領袖1:0。羅馬係下半場中段仲帶住AC黎踢，AC真係踢得好曳，前鋒柏圖同恩沙基唔合拍，卡卡又迫到成日係後場走黎走去得個桔！碧咸既助攻助守算交到功課，不過就無直接威脅囉！

場波關鍵時候到。半場先換施多夫，60分鐘再換細哨。碧咸換施多夫有商確既地方，因為佢太鍾意帶波影響節奏；而細哨朗拿甸奴換走柏圖，我就十分認同，雖然放三個要帶波既中場會令中間塞車，但係單前鋒始終都係AC既殺著。果然戰局就由羅馬傾番AC果邊，最後75分鐘由中場大佬岩布仙尼亂軍中射入1:1平手！

AC fans好開心，諗住踢得番十成功力羅馬焦梗。哈，下半場羅馬做既呢一個調動，可以話係全場轉捩點﹕換入年僅22歲既法藉前鋒文尼斯，好快就見效！78分鐘就有一次利用佢既速度，搞到馬甸尼同另一個中堅費華利出晒醜幾乎入波。好喇，踢左成場一對加埋有八九十歲既老人中堅組合出事喇！80分鐘又係簡單既反擊，後場卡卡同施多夫甩左波，懷斯同大衛比沙路兩腳就傳到AC既大禁區，文尼斯一搓就過，老人家追都追唔到，就係咁射成2:1！羅馬可能開心過頭，轉頭就俾AC把握佢地後防既甩漏，又係岩布仙尼帶點幸運咁射入佢既第二球，81分鐘又再一次追成平手2:2！主場球迷就以為好喇，收工喇雖然唔係幾滿意，點知……成場無表現既羅馬王子托迪，無論中場定前鋒都踢得好沉。不過星就係星，85分鐘一次罰球既機會，托迪主射一射死角入網3:2！

下半場真係幾好睇，多波入之餘真係睇到兩隊波都想贏，只係兩隊都係心有餘而力不足，係時候大換血喇！特別係AC一對中堅真係睇到都牙煙，轉身慢、無速度齋靠經驗，真係好大問題。而羅馬就明顯係中場欠左重心，而教練史巴利提帶到隊波又有少少意興闌珊，羅馬又要黎一次重整先至得喇。AC米蘭暫時以得失球壓住祖雲達斯排第二，下場對費倫天拿如果贏波就可以壓住祖記，不過AC輸波呢，就要睇得失球同祖記果邊既賽果，有咩差遲分分鐘要暑假加班，踢歐聯附加賽。估唔到最後一日既比賽，AC米蘭都唔可以輕輕鬆鬆。

另一邊箱英超方面，係最後兩場波一分都攞唔到底下，東北大球會紐卡素終於終結佢地14年既英超既角逐，下年英冠再見。作客維拉呢場波，紐記踢得十分積極，無奈前鋒馬田斯同隊波格格不入，維度卡老態龍鍾成日都甩拖，中場路蘭、古費路、杜夫都帶唔起隊波，始終中場創造力有限之下，埋門少之又少。而維拉有心無意之下，都踢得好一般射門14次先得中2次中龍門，紐記射10都中喇！不過就係其中一次得就得喇…38分鐘巴利一次無意識既射門，竟然省中杜夫成為烏龍球…

老實講紐卡素既沉淪，可以用專文另寫，呢度都唔多講，不過而家薪金全英超排第五既紐卡素，一落英冠就唔見5千萬磅既轉播費收入，下季開季前一定係賣球員既消息多過百佳既廣告。如果舒利亞肯留隊繼續玩，咁出走既人可能會少好多，不過佢既執教能力，我就有唔少既懷疑喇。點都好喇，紐卡素…一路好走，英冠再見。

新聞﹕
馬田祖爾落實加盟阿積士，呢名53歲既荷蘭教頭，今季帶領漢堡係歐協同德國盃，先後兩次對戰雲達不來梅，哈哈…兩次都四強出局。本來同漢堡仲有合約既佢，已經同阿積士新簽三年既合同喇。上手雲巴士頓就未知有無著落喇…AC米蘭又盛傳會由李安納度入主…好亂呀！

季尾各大聯賽小評(二)

2009-05-14T22:29:00.007+08:00

經過星期三週中夜波之後，英超聯既王位爭奪戰，應該步入尾聲，隨住曼聯作客反勝維根2:1之後，只要再攞多1分，就可以連續兩年登上英超既寶座之上。而德甲方面史特加果然追緊上黎，作客反勝史浩克04，以61分排第4只落後榜首拜仁慕尼黑同第二位既禾夫斯堡2分，睇黎仍然要鬥到最後。另外蘇超格流又肚痾，作客只能迫和喜伯年1:1，再一次浪費2分既優勢，得失球差唔及些路迪排第二，唔怪得領隊禾特史密夫都唔敢講攞冠軍機會有幾大喇！好又再黎季尾各大聯賽小評！

西甲﹕
上兩屆西甲冠軍都係由西班牙班霸皇家馬德里奪得，不過就說服力、整體表演上面，可以講一年比一年弱，如果唔係"The Classic"既老對手巴塞隆拿自己唔爭氣、華倫西亞面對巨大財赤影響實力、維拉利爾、西維爾同馬體會有前無後、後勁不繼、唔成氣候之下，皇馬想捧盃真係唔係易事。

今年巴塞隆拿痛定思痛，放走神憎鬼厭既朗拿甸奴、漸見老態既迪高、巴列提等等，仲希最重要既係請走列卡特，扶正 B隊教練、前中場大佬哥迪奧拿做 A隊教練，隨即令巴塞隆拿係今年重振雄風，打出賞心悅目既進攻足球之餘，仲打出近年少有既戰術紀律，同穩定既整體演出。暫時係聯賽得98球失28球，有咁既戰績真係無得頂！而家巴塞隆拿以86分高據榜首，只要攞多1分就可以提早封王！尋晚巴塞以4:1擊敗畢爾包，率先攞到今年第一個冠軍---西班牙國王盃！佢地又會唔會成為三冠王呢？

相反皇馬又再係季前放風要買邊個買邊個，一時卡卡一時又C‧朗，最後都買左個唔錯既荷蘭中場雲達華特，叫做完成教練蘇斯達既皇馬荷蘭化大計。照道理以上年既人腳，其實都唔會打得好差，不過皇馬又再一次自亂陣腳！先係高層人士大鬥爭，主席卡達朗搞三搞四之下，造成教練同領導層之間既決裂，咁搞法又點會搞得好？皇馬另一毛病就係球員自大到死，又分門分派之下，球員之間咁唔齊心，唉…無眼睇。好…炒左蘇斯達換左拉莫斯，有一段時間都仲叫俾到壓力巴塞，不過國家打比戰主場輸個2:6，之後又輸俾華倫西亞3:0，相信下一季皇馬由領導層、教練至球員，一定黎一次大清洗！不過值得一提既，係皇馬雖然追唔到巴塞，但係佢地都以78分排第二，比第三位既西維爾15分！即係話巴塞同華倫既距離爭成23分！幾年前西甲球隊之間既距離從來未試過咁遠！有機會再分析一下！

射手榜方面，巴塞前鋒伊度奧以28球暫時領先，馬德里體育會既烏拉圭前鋒科蘭以27球緊隨其後，華倫西亞既西班牙前鋒韋拿入25球，仍然有機會爭神射手。下年韋拿好大機會離隊，如果俾佢臨走前攞番個尾彩，都算係安慰獎。而伊度奧同科蘭呢對歡喜冤家，又再一次為左神射手爭餐死，都可以話係西甲近年既其中一個特別節目。

法甲﹕
大家可能無咁熟既聯賽，不過一講法甲，大家好自然就會諗起馬賽、巴黎聖日耳門呢對死對頭，當然更加唔少得七連冠既里昂喇！上年里昂要到最後兩輪先可以確保冠軍位置，表示其他球隊向里昂提出警告。老闆奧拉斯知道有危機，所以今年里昂先換左個教練由前里爾教練佩爾接替佩蘭，再大手入貨先後買入里爾既中場大將馬干、尼斯既巴西球員艾達臣，後防又收購國腳中堅保桑、尼斯既正選法國門將洛里斯，希望用佢一貫既做法，係法甲網羅精英，以為可以做出史前無例既7連軍。不過佢地中場方面，P‧祖連奴年齡偏大，除左佢妙到毫顛既罰球同臭脾氣無變之外，體能、速度身體既對抗性都差晒，加杜拉蘭、卡斯唐同出走里昂既前輩完全唔同級數，基本上里昂既本質已經變左，佢地唔再係無堅不摧既不敗之師。

而對手馬賽前年出售列貝利、今件出售拿斯尼，都賺左唔少錢，而且都用得其所，今年人腳漸穩之下，又有名帥吉列斯相助，所以馬賽今年打起左後衛泰禾、前鋒尼安同森馬沙；波爾多有AC米蘭借將哥古夫指揮中場，阿根廷前鋒卡雲拿基攻堅，加上整體防守嚴密體力化既踢法，係法甲非常實用。所以排名就變成咁﹕馬賽同波爾多都有71分，馬賽得失球較佳坐第一、里昂64分排第三、巴黎聖日耳門63分排第四……咦，里昂再差落去，分分鐘歐協席位都保唔住！

神射手方面圖盧茲基格納以21球領先，巴黎聖日耳門賀拉奧17球排第二，賓斯馬14球排第三。估唔到射手榜冷味咁濃，由兩個名不經轉既年輕前鋒佔據頭兩名，而賓斯馬同里昂一樣唔爭氣！大家要留意既係23歲既基格納身材高大，法國國家隊教練杜明尼治對佢好有興趣，用佢代查斯古特咁話；而賀拉奧就係3月趁安歷卡受傷，得到機會入選國家隊。無左神射手呢個榮譽事少，影響賓斯馬既國家隊前途……我係佢下年都係搵間大會轉一轉！

圖盧茲可能都估唔到基格納今季咁勁，下年都唔知留唔留得住佢……

小道消息﹕

1.巴西中場迪亞高已經簽左意願書，下年會由德甲既雲達不來梅轉投意甲勁旅祖雲達斯。同時祖雲達斯有興趣羅致基格納或者賀拉奧其中一人，代替表現日差既查斯古特。

2.馬賽方面，吉列斯下季肯定唔教馬賽，不過走左仲好，因為走馬上任既係德高望重既前國家隊隊長狄甘斯！

(部份資料來自新浪網)

下次再講意甲、荷甲。

季尾各大聯賽小評(一)

2009-05-14T00:11:00.004+08:00

界外球希望可以做到經常更新，而且可以做多少少球評方面既野，等大家可以一路睇波一路諗下小弟講既野，所以好歡迎大家留言，大家都可以俾意見，令個界外球真係可以係專業界外發聲，大家可以分享交流。

黎到季尾，各大聯賽都就黎"收咧"結束球季是也！今年又係無大比賽既齋年，所以季後各大球星都應該可以渡下假充下電。當然，前提就梗係踢完今季、交足功課先有得放大假喇！不如就同大家睇睇歐洲幾大聯賽既戰況先﹕

英超﹕
紅魔鬼曼聯可以話愈戰愈勇，克服季初既不穩狀態之後，各個主力歸隊上力，暫時以83分加少賽一場領先利物浦3分；小弟執筆之時尚未開波，假設榜首曼聯作客贏波得3分，就會領先利物浦6分；就算和波得1分，仍然領先利物浦4分，捧盃既機會仍然好大好大！剩番落黎既兩場，對手分別係上星期歐聯主場都輸1:3俾曼聯既阿仙奴，同埋愈打愈無既候城。老實講，阿仙奴歐聯四強出局、上星期又輸俾車路士1:4，再對曼聯真係睇唔到佢地仲有力打落去；候城呢……，講利物浦好過，佢地目標應該唔係以包尾過關就可以。利物浦要追曼聯，除左要作客贏士氣如虹既西布朗，主場再殺埋熱刺之外，仲要寄望曼聯"肚痾"3分全失、仲係兩次！所以利物浦咁都可以最後捧盃，就真係神奇過當年落後兩球、反勝AC米蘭贏歐聯喇！

曼聯咁強勁，同前鋒/中場、葡萄牙球星 C‧朗拿度，季尾又再 MVP上身咁頻頻入波有好大關係。C‧朗暫時以18個入球壓住入17球既車路士法藉前鋒安歷卡、入15球既利物浦隊長謝拉特，好有機會再一次成為英超神射手！

德甲﹕
轉一轉口味，講下德國波先！上年拜仁慕尼黑重奪失落左一年既冠軍，為左重振德國巨無霸既本色，今年就請左06年世界盃德國國家隊教練奇連士文做教練，仲做左一連串既改革添。可惜事如願違，巨無霸無出現，反而拜仁愈打就愈差，奇哥更加因為辦事不力，捱唔到季尾，就比會長路明尼加"炒尤魚"！今年德甲唔單止唔係拜仁一隊惡晒，戰局仲比上一兩年更加混亂！榜首上面，由前拜仁"魔鬼"教練馬加夫帶領既禾夫斯堡以得失球壓住同得63分既拜仁，而哈化柏林就以62分緊隨其後，少賽一場既史特加亦都以追得好貼，仍然未放棄以58分追緊上黎！剩低兩場波之下，第一到第四位既球隊，都仲有機會攞冠軍，德甲群雄割據都係歐洲少見！不過睇住神奇球隊賀芬咸愈打愈沉，真係有少少望，一度佔據榜首位置既佢地，可能連歐洲比賽既入場券都撈唔到一張，做老闆既都幾傷心！

神射手方面，就剩番史特加既前鋒馬利奧‧高美斯，同禾夫斯堡既加菲迪所爭，兩個人同時以28球並列第一位，第三位既禾夫斯堡三箭頭之一既迪施高只有20球，老友識做既就讓下加菲迪喇，等呢個巴西前鋒做下神射手托下枝"小鋼炮"，威威！(德甲神射手既獎盃係一枝鋼造小型炮台！)

PS.最新消息﹕由拜仁慕尼黑官方正式宣佈，荷甲冠軍阿爾克馬爾既冠軍教練，亦即係前巴塞隆拿、荷蘭國家隊教練雲戈爾，簽訂一份為期兩年既合同，由09年7月1日起正式出任教練一職！
(引用﹕bbc.uk、新浪網消息)

下次再講西甲同法甲！

紐卡素3:1打敗米杜士堡‧護級形勢現曙光

2009-05-12T05:07:00.002+08:00

紐卡素3:1打敗米杜士堡‧護級形勢現曙光

經過93分鐘的激戰，係形勢不利之下，紐卡素主場以3:1擊敗同區宿敵米杜士堡，取得寶貴既3分，同時將米杜士堡推落降班既深淵！

紐記同米堡真係難兄難弟，同係東北的球隊、都曾經係英超既第二梯隊既中型班，淪落到你死我亡既降班危機之中，一句抵死都唔足以說明一切。好喇，紐記無左基雲之後，龍門成為一個罩門，3分鐘，係夏柏失雲甩漏、後衛又發夢之下，米堡既土耳其前鋒端基力壓之下，紐記後衛比耶竟然擺烏龍射入自己龍門，米堡領先既一球1:0。好在6分鐘之後紐記憑中堅史提芬泰萊接應角球住扳平1:1。

下半場紐記仍然無攻擊，下下去到絰度卡之後就斷纜，反而米堡有少少控制住個節奏黎踢。好喇，舒利亞作出調動，將無甚表現既奧雲換走，由同佢傳不和既馬田斯入替。老實兩個狀態都麻麻，都係要靠人餵波既前鋒，都係博馬田斯靈活同速度，睇下有無得搞。點知，中左！71分鐘馬田斯左扣右扣甩下甩下咁，俾佢搵到個位訓身射入2:1！71分鐘喇，米堡都好難搞，焗攻之下比另一個後備入替既前鋒，盧雲克蘭斯再插一刀，86分鐘門前窩利抽射入網，紐記領先到3:1完場。

賽後形勢紐卡素憑得失球差，領先同得34分既候城排17位；而米杜士堡同樣以得失球差，壓住同得31分既西布朗排19位即係尾二！照現時情況睇，西布朗要對利物浦同布力般，唔係易踢特別利物浦仲未放棄英超；米堡先對維拉後對韋斯咸，照牌面又係唔多樂觀；侯城最慘先對保頓後對曼聯，佢地既走勢又咁差，一分都難求；而紐記先對富咸後對維拉，主場富咸好少少，作客維拉都係凍凍地。照咁睇如果西布朗、米堡下場1分都無，佢地就肯定降班；而候城自己要搶分之餘，仲要紐記無分形勢被動；紐記下場攞3分而候城失分呢，咁就可以宣佈護級成功，因為點到唔會比人炒6球掛！

蘇超盟主誰屬？！

2009-05-10T22:03:00.005+08:00

我諗除左鍾意睇波到發燒級，又或者唔理乜野波、至鍾意賭波既賭仔之外，蘇格蘭超級聯賽相信未必係大家既選擇。無他既，除左格拉斯哥流浪、同同市宿敵些路迪之外，好多人都講唔出第三枝蘇超球隊。無疑呢兩隊主宰左蘇格蘭足球多年，成立蘇格蘭超級聯賽以來，從未有其他球隊攞過冠軍。今年又係格流同些路迪之爭，就係星期六格流小勝1:0之後，反以79分2分壓倒些路迪(77分)上榜首；排係第三既赫斯有54分，差成25分、足足帶離幾十個身位！

其實排第三既赫斯都有振作過，由立陶宛人羅曼諾夫係2005年入主球會，黎左一次「十月革命」(因為10月入主球會)一度威脅到兩大班霸既地位，特別係格流搞到第二位都不保，更加係06年代表蘇格蘭出戰歐聯，打破兩大班霸主導既局面。不過成也蕭何敗也蕭何，羅曼諾夫用人唯親，試過係老家搵成十個球員番黎打，搞到當時既國腳隊長派斯利（Steven Pressley）代表球員抗議呢個做法，點知被老闆即時解僱引起風波，最後仲加盟些路迪添！又因為咁佢地內亂不止，點都追唔番上黎。

最後講番"Old Firm"(蘇格蘭人形容桐流對些路迪既叫法)爭冠軍先，兩隊都要對登地聯同喜伯年呢兩枝老牌球會，登地聯其實同赫斯只差一分排第四，來屆有機會踢歐協搵下外快，不過距離第五位既鴨巴甸4分之下，對住Old Firm都一定唔會手軟！提多一提，上屆些路迪三連霸都係靠格流最後一場輸左俾鴨巴甸全失3分，偏偏格流最後三場中既第二場要對佢地。領隊史密夫都好小心，係贏左些路迪之後都唔敢話放心！蘇超盟主誰屬，都係要睇多三場。

PS.派斯利都係麻煩友，不滿續約條件離開些路迪，打過下丹麥聯賽，而家踢包尾既福爾柯克……

英超榜尾大混戰！

2009-05-10T00:25:00.004+08:00

英超榜尾大混戰！星期六晚出事喇！相信部分有睇西布朗對韋根既朋友，一定跌晒眼鏡！

其實西布朗一直都排榜尾，大家都以為佢一定降梗班，點知西布朗趁住前面幾隊唔爭氣，近三場除左輸俾熱刺1:0之外，3:0贏新特蘭，追下追下同前面東北雙「殘」紐卡素、米杜士堡3分。相反穩坐釣魚船，諗緊來屆組班大計既韋根，近五場波輕取侯城1:0之外，食左愛華頓四蛋4:0、俾阿仙奴炒1:4、布力般2:0、保頓又和0:0。所以細心既球迷就會知道，西布朗戰意一定比韋根強。另外西布朗原來主場一d都唔差，7勝3和8負，排第六既愛華頓都係7勝6和5負咋！相反韋根就係地頭虫，4勝4和10負，咁既作客成績真係死得人多。果然中左！

呢場波之後，英超榜尾大亂，最尾三隊同得31分，紐卡素以得失球兼少賽一場排係18位，之後就係星期一同紐記大戰既米杜士堡，西布朗多打一場仍然包尾。16位既新特蘭有36分、17位既侯城有34分，如無意外下一場波新特蘭攞一分兼唔比人大炒既話就可以上岸。侯城既形勢就好被動，因為星期一紐記對米堡呢場波，有一隊可以全取3分呢，都一定可以憑得失球壓過侯城上17位；如果和氣收場，侯城都只係領先2分，最後一場仲要對曼聯，多打一場領先3分既優勢根本唔係優勢。所以最後邊三隊要下屆英冠再見呢，最後兩場波仍然有睇頭！當然，星期一果場東北打比大戰，雖然唔會有秀麗腳法、精湛技術睇得到，但係打到"博甩臂"、"打崩牙、帶血吞"既場面，仲要關乎降班誰屬既比賽，個人推介必睇！

界外球黎喇！

2009-05-09T03:48:00.001+08:00

舊既唔去，新既唔黎！今次實行名都改埋，而家個Blog叫做「界外球 The Outsider」實行同你講足球！界外球的意思﹕站在專業足球界外的熱血球迷，手執筆桿和足球，如擲界外球一般，殺入球場！你預備好了嗎？

記‧寶麗來

2008-02-17T03:15:00.001+08:00

近一兩年開始喜歡拍寶麗來，即是即拍即有、相片品質無保證兼怪怪的、四四方方的那些相片。原因很簡單，寶麗來拍出來的效果往往出人意表，可能會曝光過度而化白，可能會太暗、背光而鬼五馬六，亦可以是大伙兒一同出遊時給回憶最好的證據。不過"菲林"並不便宜，一盒連電池需要$60~70(因為相機本身並無電源，貴價菲林源自於此)，此外賣的地方並不如普通的菲林那樣多，所以我拍的照片數量也不多。很多時候會在喜宴、朋友聚會時才出動寶麗來。

不過，即近收到不同渠道的消息，得知廠方由於年年虧蝕，而且未能尋求出價合適的買家，終於決定2008年2月8日，廠方透過Boston Globe各外宣佈在數碼攝影洪流下，他們將關閉美國麻薩諸塞州、墨西哥和歐州荷蘭的生產線。

心中有一點難過，因為寶麗來的影像質感是只此一家的好，而且那種等待藥劑風乾一同看成像浮現的興奮，絕非數碼相機可以比美。當然另一家菲林公司---Fujifilm也有出產即影即有的相機，可是不論在拍攝的樂趣上，在影像的表達上都有很大的差異。即是兩者並不相同，玩Fuji的跟寶麗來的不是同一群人！中環的新天星碼頭功能上沒有改變，我們仍然可以享受廉價的渡輪服務，可是舊的碼頭仍然叫人懷念，我辦公室的滑鼠墊，仍然是舊的碼頭，我仍然懷念碼頭的鐘樓。

最後，我想說的是我不會瘋狂的"入貨"，之後又瘋狂的拍保麗來，一來是錢的問題，瘋狂入貨價值不非，可以買的地方已經不多，奇貨可居之下，一定給人斬下一頸血；二來拍照是看心情、時間的，學校開課了，我那來空閒時間去拍照呢！反而，我對相機的收藏興趣會大一點，我現在有兩部spectra system的相機、一速"彩虹"600、一部party 600，我可能還會再入機呢！雖然…只是我的收藏品而已……

*[拍立得] Polaroid 寶麗來拍立得的始末

寶麗來 POLAROID, 拍立得的由來是在因為創辦人 Dr Edwin H. Land 的三歲女兒告訴其爹地，為什麼拍照要等到幾天之後才能看到照片，源自對女兒的愛，這位發明史上僅次愛迪生之後的科學家、化學家 Dr Edwin H. Land 於1947年2月21日在美國光學協會發表一次成像技術並能在60秒內完成顯影。第一款拍立得相機於1948年11月28日在Boston的Jordan Marsh百貨公司開始販受。2008年2月8日經由Boston Globe透露，POLAROID將關廠不再繼續生產拍立得底片。

*台灣的叩法為[拍立得] 以下是引文出處。
http://www.wretch.cc/blog/whale543&article_id=9907354

記‧南蓮園池

2008-02-14T03:27:00.002+08:00

上星期日(10/02/2008)跟三位好同事，一同前往位於鑽石山的南園池，作第一次的攝影練習。這是我買了新的相機之後"處女下海"的第一次。

南蓮園池可能大家未必熟悉，但是志蓮靜苑我想大家會比較知道，南園的位置。南園其實不是政府的公共園地，相反是由志蓮的團體自行營運，並免費開放的私人花園。南園有很多仿中國古代唐代的建築，園內更有一館向大家簡介有關建築的設計來由，對古代建築有興趣的朋友不容錯過。

而南園之中有一金色的塔形建築物名為園滿閣，可謂南園之內最觸目的建築，除了金碧輝煌之外，兩道紅橋更是兩雙輝映，只是我個人覺得浮誇了一點。再遠一點的香海軒則是另一種味道。大部份紅木式的建築，有中國特色的木工技術建築法，古色古香之外，中庭的內花園設計一絕。而香海軒內有一別館，為一中國特色茶具的展覽，因收費不便宜且不能拍照而沒有參觀。

之後有一個大錦鯉池，大則大，可是我卻不太感冒，或者特首曾先生會喜歡這處多一點。之後就是一小瀑布設計裝飾的素食館。說真的那瀑布很小，我個人認為不太漂亮，反而是側邊的水車屋更吸引我。不過瀑布景觀是練習拍照的好題材，我們又怎會放過呢？

之後由於天色已黑，我們只有隨意拍下數相照片，便要離開南蓮園池。這是我第二次到這個花園，第一次是義工活動，跟長者一同漫遊南園；而這一次為了學習拍照，除了輕省一些、少一點責任外，拍照的感覺又是另一回事！

一個人的小小說‧羽絨

2008-02-07T06:43:00.000+08:00

(給各位朋友，此乃小說創作，如有雷同實屬巧合)

打從分手那天起，我仍然懷念妳那洗髮水的味道，妳身上淡淡的香水的味道，妳那可愛的酒渦，妳那雙大眼睛……同時我也想起跟妳吵架時的影像，妳蠻不講理的樣子，妳哭著對我的責罵聲，還有妳對我無情的一巴掌……妳是可愛的，妳是可惡的……

我一個人生活了一年多，由習慣跟妳待在一起，到自己一個人呆在家裡，過程真的不容易。小狗可能比我更懂接受失去妳的日子，小狗已經不再站在門外等妳回家。由每天給妳煮飯，到一個人的晚餐，我用了半年的時間來適應，我每天的晚餐都是二人份的。雙人床的床舖，我通常都只用半份，習慣了二人同睡，那一邊彷彿是無法逾越的禁區。

今天天氣很冷，我得穿上妳送給我的羽絨外套，一個人走在旺角街頭，往事又重現眼前。彷彿就是昨天，我們一起走過這條街往書店裡逛，我們一起到食店吃我們最愛的下午茶餐。而這一件羽絨外套，是妳送我最後的一份禮物。我還記得那一天，我在試身室的時候，妳跟他在通電話，妳不知道我在聽，我在細心的聽妳們的對話。那一天起，我知道，妳會有一天離開我，投到他的懷抱裡去。

一年了，我知道妳跟他真的走在一起，而且生活愉快。他很愛護妳、關心妳，而妳也比從前快樂。有一天，我在街上看見他為妳弄走眼中的睫毛，我真的十分妒忌！可是我知道，他有的是妳給他的特權，我也沒有自討沒趣的跟妳們相認，我只有遠遠的在看…在看不屬於我的妳。

今天下著雨，我得穿上妳送給我的羽絨外套，一個人走在旺角街頭，我任由雨打在我身上，為的是洗滌我內心的掛念，為再上路而努力著。一年的時間未必能醫治我內心的痛，但我肯定的相信，我不能再將自己困在無形的牢房之中。隨著雨點一滴一滴的打進外套之內，羽毛因雨水的濕潤而變得沈重起來，而我卻感覺前所未有的輕省。外套已經不能再穿了，因為浸泡在水中的羽毛不能再變乾，外套已經報銷了。而我們的愛情，不是都是這樣嗎？我一個人在旺角街頭大笑起來，我想…我真的得到解脫吧！

我回到家中，小狗如常的向我討吃。而我脫去身上的外套，坐在椅子上，眼望著窗台，我決定離開這裡，我想我會搬到別處去，因為我需要重新開始一個人的生活。

記‧近況

2008-01-27T02:36:00.000+08:00

好久沒有跟大家談近況，現在有一點時間可以跟大家談一談。

我的腳
十二月尾因打籃球比賽，被對手侵犯而扭傷的左腳韌帶，復原得十分緩慢。由於時間及金錢上的不許可，我並沒有進行磁力共震檢查(一次需$4000多，而且醫生多會勸導病人做手術)，因此醫生並不知道韌帶的受傷程度，及傷患的範圍究竟有多大。醫生跟我說韌帶扭傷程度不一，人可以透過休息及讓身體自然復原，其實可以慢慢的康復過來。不過受傷處韌帶的組織會長出一層"枷"，這是韌帶受傷、撕裂或斷裂之後，從傷處長出來的東西。"枷"不可能完全代替正常的韌帶，受傷的機會比之前更大，醫生說復發情況幾乎是100%！

如果做手術又如何呢？醫生的說法是這樣﹕完成手術後需要4~8個星期的卧床休息，之後連續有2個月時間做復健、物理治療，大約3~4個月開始正常行動。不過情況因人而異，有部分人的復康進度不理想，可能需要半年時間復健。而最近認識一位朋友他跟職業球員十分友好，有一次他踢足球拉傷了十字韌帶，他的足球員朋友即時勸阻朋友切勿做手術，因為手術會令人失去運動能力，足球員身體較好，最多只是回復七八成水平，而一般人呢』？可能比未做手術之前更差了三四成！於是…在沒錢沒時間之下，我打消了做手術的念頭……

現在受傷的地方依然會痛，行的亦十分不方便，行動時間一長就會疲憊不堪，行動需拐杖協助…我自己也會擔心，是否傷得很嚴重呢？已經一個月了，仍然感覺痛楚、行動不便；另一方面又擔心他日是否不能再打波呢？雖然我已經決定不再踢足球……三月份廣西之旅，已經開始找後備同事了！這一次真的打亂了所有部署！

我的感情事
其實沒有太多可以講，我只可以說我又單身了……不過太累要休息一下、認識自己多一點……
暫時想擴闊生活空間多一點，談戀愛……請慢一點！

我的工作
暫時尚在正常的軌道中，除了三月北上廣西仍有變數外，大致順利……
而有線"體育主播"方面，我正在接受訓練之中，一星期兩天真的辛苦啊！不過可以挑戰自己，又可以認識多一點新鮮的人和事，真的不錯呢！三月之後才知道會否取錄，時間還早呢！

暫時到此為止，希望下一次會有新的"一個人小小說"出爐！

記‧難忘的…聖誕節…

2007-12-26T13:33:00.000+08:00

今年聖誕真難忘……

23號係社工盃的日子，早一晚我如常的早一點睡覺，希望多一點精神多一點體力去爭取勝利。今年球隊換了很多新人，新同事的加入大家開心，不過球隊的核心離開後，失去方向同慣有默契，之前的比賽悉數敗陣。雖然大家都以比賽為目標、開心為目的，只是想證明---我們不賴！我們都想爭取一場勝利，去證明自己並非弱旅。上一場大意失荊州，以一分落敗，這一仗人腳較齊應有作為。

PS . "real"都係講籃球既書……輪椅籃球……shit

可惜的是，我們上半場打得很"曳"，一度落後1:11……之後我們追上來，第二節開始的時候，我們已經追至平手…一度有機會超前，而且進攻方面有一點默契建立出來，而防守方面找到制敵之策，這一次應該"有得嬴"！

就在此時…當我帶球上籃之際，避開兩名對手、投籃，就在此時對手竟然"浪"我，我一時失平衡兩腳落地之時誤踏對手鞋面，對方不知是否覺得之前的動作不應該突然縮腳，敝！我本來落地踏鞋面會無事，就是對方一縮我就"拗柴"…oh my God~心知不妙……暫停比賽(我都不知道我得分了…)坐在一旁一除鞋…死得！左腳比右腳大2~3倍大、腫得可憐……而比賽在有隊員受傷後一時進退失據，大伙兒又失去手感……最後落敗………

比賽完後得兩位同事協助，入了醫院急症室(因保險關係…)。時間不算太耐，一點多等到三點就可以了。看完醫生沒有什麼意見，X-ray顯示沒有碎骨，最後$100得到一包"必理痛"…what the hall……痛到行不了，姨姨卻告訴我---今天星期六，儀器借用的同事放假…星期一才可以借叉給我……我唯有忍痛找的士回家……

如是者到今天26/12的零晨4:26，我的聖誕節就在家中度過……多難忘………

記‧社工盃

2007-11-08T11:42:00.000+08:00

最近再一次的起心肝，操練自己的身體，因為每年的11月開始，都是社福界的盛事---社工盃開鑼的時間，試問我又怎可放任自己的狀態不顧呢！

我是一個社福界的浪人，兩三年便會轉換工作環境，一方面是工作上想多一點體驗，另一方面是現時業界生態有問題，長時期做同一單位或同性質工作，幾乎不可能發生的事，因此我在這些年來已經為三數個機構賣力。而我又是社工盃的常客，家中已收藏了數件籃球、足球的社工盃波衫，而我化表三間機構出席社工盃籃球比賽，不知道是不是一個紀錄！由於玩得多，見的亦多，我在社工盃的比賽中看到的東西，有一些可以跟大家分享一下。

首先一樣要分享的，是社工盃不是大家想像一樣，大家平平順順和和氣氣的，而是粗粗暴暴喊打喊殺的。最近我打籃球比賽，第一場就幾乎掛彩！對手人多技術好，我方只有7~8人應戰，未到半場已經大比數落後，然而我方具體育精神，仍然投入比賽之中。對方也十分投入，只是欠一點運動家的風度，廿多分的優勢仍不時用踭頭、用手大力拍打我方隊員，完全瘋狂的攻擊我方球員，有時候球證未能明察秋毫走漏眼，真的十分氣結。我最想不到的是，最後數分鐘對方有球員仍十分暴力的強行上籃，而我就在後場中間，對方不但沒有收步，更刻意用腳踭"坐"到我身上，力度之大令我整個人如木板一塊向後"啪"的一聲倒在地上，腦後及腰間痛楚不已頭暈不止。對方say sorry，我不接受，因為相撞難免，為何要出踭？明知結果而say sorry，sorry我接受不了。

社工盃就是這麼粗暴及那渣，我見過最激的是一名中層主管犯規，可是不服球證判決，於是大力推開球證，有人拉緊他不放否則肉搏難免。我會問是不是大家壓力太大無從宣洩？又是不是有人在博表現？(有傳有機構某人好波，升得特別快……)而機構的"格"很多時都會表現在比賽上，好像我上一間機構，同工實力不俗只欠信心，跟機構一樣size屬中型班，信心就欠一點點很少做研究發佈無人識。("襲擊"我們的機構很進取、很具"侵略性")

我仍然會打社工盃，我仍然享受不同單位的同事一起努力的感覺，我更享受投入比賽的刺激，不過我可能會錫身一點，畢竟我已經三十歲，再撞多次我會死！

PS.我條腰仍然痛、頭上既癅八成消腫，比賽係上星期六，對面機構好神"聖"既……自己估！

工作記錄‧天水圍。城

2007-10-16T23:18:00.000+08:00

星期天，受學生所託擔任球隊的領隊，很早就起床外出。人就是睡不醒，混混的走到九龍城去。學生踢的是三人圍板制的比賽，球場設計得十分細小，六個人在裡面球來球往，沒甚趣味可言。而學生亦不太適應這種不求技術的踢法，小組賽已提早結業，之後一行六人去了Newxay唱lunch K。十二時許再趕入荃灣，到有線電視作面試，因為我參加了「體育主持」的比賽。這一天真的十分忙碌，可是在十多小時之前，在天水圍卻發生了一件倫常慘劇……

精神病婦與子女墮樓亡 (明報) 10月 14日星期日 01:50PM

一名患精神病女子，凌晨近4時與一對子女由天水圍天耀邨耀豐樓高處壓下亡，初步相信她尋死與生活壓力有關。

12歲女童首先墮樓，數分鐘9歲男童亦墮下，最後是他們36歲、身穿紅衫紅褲的母親。女童的手腳及男童的雙手均被繩索捆綁。救護員其後證實他們當場死亡。

警員破門進入死者24樓的單位，發現牆上貼有一封遺書，女事主向有長期病患的丈夫表示，感覺照顧家庭有壓力。其丈夫正在醫院留醫。

案件現列為自殺及謀殺案，交由元朗區重案組跟進。警方稍後會為3名死者驗屍，確定死因。

死者一家靠綜緩生活，女死者是新移民，在港住滿7年，由內地接女兒來港居住，兒子則在香港出生。

我是在等候進場面試的時候得知這段新聞。由於狂有線大廈的關係，我很快就收到第一手資料，而且隨意找個地方都可以觀看有關新聞。其中有線的新聞記者十分細心，他們在"出事"的時間除了找尋有關事件的相關資料外，更嘗試以一求助者的身份致電有關天水圍家庭服務的機構，嘗試了解有關服務是否到位。當然揭露有關機構的服務承諾是否對辦，有一定的獵奇的心態，更可能是獵狐的用心，找出事件由誰負責的想法。可惜的是…他們做了！在天水圍有三間以家庭服務為主的家庭服務中心，一間為社會福利署屬下的公營部門，其餘兩間為非政府機構營運的服務中心，事件發生當日為星期日零晨時間，而三間號稱可以處理天水圍由南到北廿多萬人的服務中心，電話查詢服務當然無人接聽。當然福利署長余志穩稱﹕有事應打999求助，而有輔導需要有很多熱線幫忙。有線同事說一句﹕好，收到！有線同事繼續打電話"求助"，誰知真的"想死"！先是打社署地區的支援服務，結果是當值的社工沒有上班，不過你可以留言云云。好，再打另一個，明愛向晴軒。「由於線路煩忙，請遲D再打過…或者致電社署熱線……」未絕命，又再打另一個社署熱線。(其實社署之前的電話可以早一點說有這個電話麻…不用麻煩向晴軒……)什麼？社署再一次拒絕求助的要求！想死……… 老實說作為一般老百姓，遇到問題要找人幫忙，在心理上始終有點難以開口。如果打電話壓力會細一點，的確可以減低因為"求人"的心理包袱。不過當你打了三個電話都不能提供協助，情況會如何呢？更甚的是，一般老百姓如何知道這麼多的求助資源呢？萬念俱灰，難道非死不可？正常人尚且會絕望，何況有精神病困擾的人呢！我在天水圍工作三年多，天天都聽到有資源的調配，可以增加什麼什麼，到頭來天水圍的百姓又有什麼得著？服務多了、社工多了，又如何？是資源的問題？是服務設計的問題？我相信問題是立體的，在各方面的協作下，各方面都要負責，非社福同工"躲懶"星期日開小差這麼簡單。

張超雄斥港府對天水圍家庭問題乏警覺性 (星島) 10月 14日星期日 12:46AM

天水圍天耀村發生一家三口墮樓慘劇，立法會社福界議員張超雄批評，政府仍然未意識到天水圍家庭問題的嚴重性，沒有調配足夠資源處理。張超雄指出，自從 2004 年天水圍家庭慘劇發生後，當局在該區協助家庭的措施仍沒有明顯改善，反映社會資源調配不足，而位於天水圍的家庭綜合服務中心往往需要處理高達80至90個個案，根據沒有足夠資源處理。張超雄認為，雖然施政報告提及成立「家庭議會」，但未能紓緩偏遠地區的家庭需要。他促請，政府成立跨部門小組專注偏遠地區，提出具體方法協助有需要的家庭。

我不知道問題會否繼續下去，我只是覺得天水圍有她美麗的地方，有她可愛的地方……可是誰會真心關心住在其上的百姓？

工作記錄‧戀愛講座

2007-10-13T15:32:00.000+08:00

最近比較忙，不是有講座要follow，就是有小組活動、訓練，最要命的當然是萬年project要做。忙中有序看來是我要學習的東西，有電子儀器﹕電腦、PDA等等幫助，是一個不錯的點子，不過當你忙碌至午飯晚上吃的日子，用最基本的schedule及紙筆作記錄，可能是最有效率的方法。

最近有兩個同系列的講座，對象是中四、五學生，時間大約個半鐘左右，講的是有關談戀愛前前後後的東西。本來這類題目應該駕輕就熟，難就難在對象全都是男生！第一次跟男校合作搞戀愛講座，感覺總是怪怪的，跟同事討論的時候，更有人"搞爛gag"是不是搞同性戀講座，激死人！

上星期一完成了中四學生的那一場講座，內容針對男生最容易犯的毛病﹕認叻、大男人及被利用。認叻是在同學面前充有魅力、多女友，特別是網絡年代太多虛擬的東西，網友成女友的例子太多了。而大男人更易明白，在心儀的女性或是女友面前，要有一副威風的樣子，要有男子氣慨，可是往往忽略對方的需要及感受。被人利用則是被女性抓住輸不起的心態，"屈"他們買東西、吃喝玩樂不在話下，有時候惹事生非後更要求男生為他們出頭。

我們為了加強互動性，除了睇電影剪輯片斷、播powerponit之外，更有同事做的角色扮演，後邀學生上台同台再演，過程有趣有教育意義，亦令台上台下投入於講座之中，有些老師更是大笑、掌聲不斷，講座亦在這熱烈的氣氛之中完結。事後老師認同我們的處理，鼓勵我們可以更大膽一些，在角色扮演之中，令學生互動更多得著更多。

有時候搞講座難在搞氣氛，氣氛搞得熱鬧了又怕主題訊息表達不足，有時候主題定位尷尬，更考講者功力。這一次講座主題比較容易掌握，透過多元化手法表達相信有助主題訊息的接受，最重要的是一班願意聆聽又肯投入的師生幫助，我們完成了一次成功的講座，下一次又會如何呢？

爸爸‧一個人的小小說7

2007-10-11T10:58:00.001+08:00

爸爸‧一個人的小小說7

(這是個人日記式創作小小說……人物跟本人類似，但不是本人，如有類同實屬巧合)

今天的天氣好得不能再好，一個人站在公車站上看藍天白雲，雖然太陽來得有點熾熱，無損的上佳的心情。期待已久的假期，終於在這天來臨，心情真的興奮不已。我反覆檢查自己的旅遊證件在不在，有沒有放到別處呢？簽發日期有沒有過了期限呢？有沒有帶已找換的外幣呢？一切皆準備就緒，只差到達機場乘機而去！朋友們都公公多一點時間，畢竟老人家已經八十多歲，今次去旅行的地方手信又不好買，跟他多見幾面比手信更好。所以我較朋友們晚了一點出門，玩少一兩次遊戲而已。

在公車站上遇到一家大小的，正準備趁暑假出外走走，小男孩顯得特別興奮，不停的問﹕「爸爸…爸爸……飛機為什麼會飛？……爸爸…日本是不是很遠的？(oh my god 很富有啊！日本……)……爸爸，我們會不會到狄士尼？……」雖然很吵，可是爸爸仔細的給男孩來解釋什麼什麼，而且一路均深情的看著自己的孩子，很令人羨慕，因為我小時候沒有這樣好的經驗，我的爸爸差不多缺席所有我們的家庭活動，爸爸在旅行字典中是不存在的一個字！有點廿人羨慕，帶有幾分妒忌，車子差不多到達機場。

到步第一件事，就是打電話給朋友們。「文，你們在那裡？」「我們在醫院……小微的爸爸……」「什麼…」「小微的爸爸發生了意外…是工業意外………他…死了……嗚………」「………」我無言了……我們剩下的三人立時趕往醫院。雖然我們知道在醫院我們幹不了什麼，不過我們都去，因為文跟小微是我們的好朋友……

在醫院我看見往日堅強的文，在我們面前流淚，我知道淚水除了為小微流之外，文跟世伯的感情也很深。當年文跟小微一起的時候，因為小微單親的背景，文的家人十分反對，而小微的爸爸卻十分支持，因為他相信文是一個好人，對小微很細心，之後世伯親自的走到文的家門，求見文的父母，請他們原諒自己沒有很好的家庭背景給小微，請他們給文與小微機會在一起。文的父母很感動，而且兩家人的連繫在這一刻開始了。文跟小微決定今年年底結婚，結束七年的愛情長跑，看來他們鐵定缺少世伯的祝福。

因為旅行去不成，我打電話回家，聽電話的是爸爸「爸……我今晚會回來………爸，我突然很想你！………」

我真的受傷了‧一個人的小小說6.5

2007-10-11T10:57:00.002+08:00

我真的受傷了‧一個人的小小說6.5

今天晚上你的不請自來，將我過去一星期的平靜生活徹底的打碎，我花了一星期去接受你離去的事實，我花了一星期去學習一個人生活，我花了一星期去為自己弄午餐飯盒，我花了一星期去學習插花………一晚就將一切都徹底地擊碎了！畢竟…由大多歲開始萌芽生根的愛情，一星期的努力看來逃不過被輕視的命運。

我用書去令餐桌變小，好讓我跟書本來一次楚河漢界，剩下那半壁江山讓我自憐自殤。數個月前我們在一起吃飯，我們在這裡做工作，我們在這裡吵架，最後我們在這裡協議離婚……可以的話，我會將桌子丟棄掉，只是讓我再擁抱多一會兒…一會兒吧………

我是一個硬性子、急先鋒，我愛有規律、有秩序，跟你的性格本質上是一剛一柔，因為你總是愛浪漫、講感受，多愁善感的、感性的，只是你不愛說話，我常常因為你的情緒反應而變得束手無策！當你工作失意時，很想給你知道，很多時候是因為你的敏感影響你的思維，我跟你討論的時候，你的情緒反應將我嚇呆了！我想走過來給你擁抱，你也不領情…有一回更把我推倒在地上！我還可以再抱一下你嗎？不能…因為你已投入別人懷抱！

我鎖著門，情緒很久沒有像這樣子崩塌下來！我什麼都不想知、什麼都不想聽，來給我靜一下！所以最後我沒有…想也沒有想過要給你一聲再見什麼的，特別是我聽到的聆聲是我們最喜歡的一首張學友的舊哥…你難道忘記了？我知道是她的電話，是分組的聆聲……好可惡呀！還有沒有別的東西給了她？我已經將最深愛的給了她，難道我不值得留下一點點東西給自己嗎？

你最後走了，好…終於走了……下一個星期又要練習失去了你我要如何生活，不過我真的受傷了。時間是最珍貴的東西，只有她我們才有得醫治的一天！

PS.為了美寶兜兜而寫的續篇…是否帶點女性情懷？而題目6.5是因為故事以男為主，這篇是外傳！
還有相片是Sammi的演唱會拍的獨家照片！勁呀！

害怕面對妳‧一個人的小小說6

2007-10-11T10:57:00.001+08:00

害怕面對妳‧一個人的小小說6

今天晚上，我不請自來，到妳家中取回我的東西。妳的家有點陌生，可能不再屬於我們的緣故吧！從前每天晚飯用的桌子，今晚堆滿了雜誌和書本，一個人的晚飯用不著二人用的桌子？房內的雙人床給實木製造的單人床擠掉了位置，可能化成爛木在堆田區中回憶我們的曾經。而最冷淡的卻是妳。沒有一句話、沒有一個眼神接觸，我被徹底的忽視了。

電話的聆聲將彼此的寂寞給割破，是她問我有沒有困難，要不要她的幫助，當然我沒有接受她的好意，我正在意妳的反應。這時候妳走過來跟我說，我的衣服仍在客房內，數量不少可以晚一點才搬到新居去也沒有問題。我正想回應一句謝謝的時候，妳頭也不回的走回房內，並克制的將房門鎖上……我的心裡確是難受。若不是我的性格太沈靜，妳的性格太剛烈，可能我們的問題不至這麼嚴重。當我事業停滯的時候，我要的不是愛心的鞭策，而是一個接納的擁抱。而當妳有困難的時候，妳愛鬥、好勝的心態，將我重重的摔在我們二人的大門中間。她就在這時候給我擁抱，我對不起妳，但我比從前快樂。

所以我害怕面對妳，一個青梅竹馬的女朋友，到共甘苦的夫妻，因為我真的對不起妳。妳依然的硬朗，依然的力撐到底，不給我示弱要讓我知﹕沒有你日子也一樣。可是從妳本身已經瘦削的身體，比之前還瘦，皮膚比之前更白，我意識到，妳真的受傷了。可是，我跟她的日子過得很舒服，因為大家沒有給予對方壓力，大家珍惜彼此得來不易的關係。我不再愛妳嗎？我不知道……我肯定的是我愛她比愛妳多………

最後我輕輕的叩門，輕輕的跟妳說了聲再見，妳如意料之中一般沒有回應，可是我認識的妳一定在哭泣……

我在車子上眺望曾經的家，我彷彿看見妳在凝望著我們的離開，妳會祝福我們嗎？

PS.一個好普遍的夫妻故事，希望大家可以多溝通多珍惜對方…失去方知情重………

赌‧一個人的小小說5

2007-10-11T10:56:00.001+08:00

赌‧一個人的小小說5

又是大？為什麼是大呀！已經連續十局大了！不可能的，我再押一二三小！………小、小、小………又是大！搞什麼鬼！！我摸一摸最後的一個籌碼，這是我最後的一個，亦是妳為我贏的第一個………

三年前我們第一次到澳門旅遊，當時我們感情還是十分要好，大家都希望儲錢結婚。遊過大三巴、議事堂之後，我們吃過馬豆糕、豬扒包，我們就去了賭場去。一切都彷彿有定案，我們只是來完成而已。我們因為並不富有，我們只想過一過癮，我們換了幾個籌碼去玩大小。起初並不順利，剩下最後一個籌碼的時候，妳跟我說「不如買小吧，我看我們都差不多要離開吧……」誰知道一押即中，贏得我們第一個籌碼，之後我們愈押愈押大，愈贏愈多最後有三千元的收穫呢！這籌碼成了我的幸運符。

回到香港我持自己運氣好，我開始赌起馬來，又是一次運氣的幫助下，我嬴的第一筆彩金---十萬元！之後我赌大了，波、馬、六合彩，一個月總有一兩天在澳門過。可能是因為我太想跟妳結婚吧，十萬太少了，妳知道妳媽媽怎麼說？「我不是賣女…只是我女兒不能捱窮，我都不能窮……係的工作薪水才萬多元，怎支撐一頭家呢？……我女兒最怕辛苦…要她婚後工作？唉……」所以…我愈博愈狠！我對工作的熱情熄滅了，而妳對我的熱情也熄滅了。

上一個月，妳跟我說「我不怕捱、也不怕跟你吃苦……只是我不想你這樣下去……我們欠銀行的可以慢慢還清，可是高利貸的……嗚…我求你收手吧…嗚………」「妳哭什麼，我不是在嬴錢嗎？…財神都給妳哭跑了！」「…我……我求係………收手吧………」「我不管…我要給妳媽好看的！不要阻我！」

上星期，妳跟我說分手，因為我的豪赌令妳支撐不住了。好一個支援不住，到底是誰支撐不了！最後一個籌碼我的幸運符，我放手一博了！一、二、三、小！小小！小！…………

PS.圖為澳門文化中心，澳門除了赌場好玩的地方真不少，我一年會到澳門一兩次，赌場？我很少去！

你知道嗎？‧一個人的小小說4

2007-10-11T10:50:00.003+08:00

你知道嗎？‧一個人的小小說4

你知道嗎？我今天34歲了！

x x x

這個春天攻氣很不穩定，係知道嗎？一時天朗氣清，一時下著狂風暴雨，屋苑門外的大樹竟被大風吹倒了一棵！你知道嗎？孩子今天上學前問我，媽媽今天會不會去看他上課，我對著他說﹕「媽媽很想來看你，因為媽媽愛你……只是…媽媽今天很累，我們給她休息一下好嗎？」這也是你的答案嗎？小孩子有婆婆照顧，我倒不太擔心，只是我一個人支撐得好辛苦……總不能老是跟他說你累吧？我卻真的很累了……你知道嗎？

原來西蘭花可以用水煮三分鐘再下煱炒，配上蔥蒜炒更好吃，孩子因為有這道菜吃了一大碗米飯呢！而這幾個月來我學習下廚，我的廚藝進步了不少，媽媽不用再老遠跑過來給我們煮飯，畢竟…老人家仍然擔心著我們，你知道嗎？還有老爸……他一直都有來看我們，你知道嗎？

今天，我又拿著去年我們一家人去旅行的照片，一張張的看完又看，那時候天氣很好，在日光之下拍的照片特別好看，而武夷山的山水依然漂亮，不知道那條小路修好了沒有？孩子跌下的時候，流著眼淚怪可憐啊！現在孩子說﹕「我跌倒也不會哭…因為我要堅強一些，媽媽總是要我堅強啊！」4歲的小伙子…哈哈……比我還要堅強呢！你知道嗎？

今天是我的生日，你不會忘記吧？我今天有去買花，仍然是百合花，白色的百合花配上毋忘我，跟往年的花一模一樣。不過沒有你陪我吃飯，有一點的遺憾。醫生說你的情況有好轉，比上星期穩定，不過仍然不知道你會何時醒來，跟我們聊天、吃飯………兩個星期前的雨天，那個可惡的下雨天，要不是我讓你一人下街買牛奶給孩子喝，要不是那大意的貨車司機……今天我們會一起吃蛋糕吧！………

X X X

我走了，孩子等著我回家。我們也等著跟你回家，你知道嗎？

PS.這一篇有些老掉牙不過仍然想寫，因為夫妻關係是永恆的話題……上星期放假真的去了武夷山，很好玩！

如何可以不愛他？‧一個人的小小說3

2007-10-11T10:50:00.001+08:00

如何可以不愛他？‧一個人的小小說3

今天午膳時間，我如常的在偷看他。他是我的學長，今年在學校就讀中六，而且成績不俗，是我們學校辯論隊的隊長，深受同學歡迎---特別是女同學。我今年中三，在學年初的時候參加了辯論學會，因而認識學長。有些時候，我會在圖書館向學長提出有關演說的技巧的問題，往往學長都會被其他女同學"騷擾"，而不得不中止我兩的談話。每一次我都十分痛恨那些無知的女學生，他們都不知道學長的內涵修為，只是盲目的追逐學長的"美色"而已！

今天我心中有一股力量在鼓動我，我要向學長表明一切，我要讓他知道我不單仰慕他，我要他知道我愛他！我愛他的為人正值，我愛他熱心助人，我愛他談吐得體，他是完美的！我昨天晚上就是為這件事是失眠呢！「學長……我…我想跟你說……」「什麼？」「我……我其實……」「……古怪的傢伙，什麼事？快一點說出來吧，別吞吞吐吐的樣子……」「學長……學長我愛你！」「什麼？…」

x x x

這個下午我沒有上課，因為我被人打破了下巴，而且這一拳擊中的除了下巴還有我的心……我是一個就讀中三的男學生，我不知道什麼是同性戀，不是認知上的無知，而是我未有過同性的戀愛經驗，我是同性戀者嗎？為何我不能向心儀的對象表白呢？……還是我根本就錯，男跟男的是一種錯，我還是找個女的在一起好了……但是我又如何可以不愛他？

PS.這一篇描寫的是一個性別角色混亂的社會，性教育及情感教育仍然落後的社會中，一個男生的故事……

後記﹕我多了學生有同性戀的困惑，我實在對這狀況有些擔心，擔心的不是同性戀的問題，而是我們對學生的感受的忽視。其實愛是抽象的東西，當青少年成長的時候面對的困擾，絕大部份跟情緒、情感有關。希望大家對青少年多一點關懷，多聽他們的心事，就算他們說的是「超低能」跟「勁搞笑」的事情！

我近來很忙，大家的關心…收到了！thx

小小說‧是他也是係和我---小小澄清

2007-10-11T10:49:00.003+08:00

小小說‧是他也是係和我---小小澄清

PS.這是我外公的近照，90s歲人除了掉了牙，身體仍然很好！他的愛情故事平淡而恆久……正！

收到很多朋友的回覆，很感動，因為有人看就有意義；同樣也很怕被誤會了，小小說中的「我」，是一個男性我會叫他做「他」，有些東西跟仔一同經驗過，有些是其他朋友的遭遇，「他」是男性的代表，因此大家的安慰對象是我筆下的一個人物而已。因為Blog友很好，我真的有得到安慰的時候，我會繼續出我的小小說。

寂寞的圓舞曲‧一個人的小小說2

2007-10-11T10:49:00.001+08:00

寂寞的圓舞曲‧一個人的小小說2

機械式的話音，是一長一短訊號，
奏出的是一個人的寂寞，
一首寂寞的圓舞曲。
街燈沒有放棄給我們希望，
只是微弱的燈光仍不足以令我們忘卻不快。
畢竟街燈光照的距離有限，
三呎的光明，彌補不了前三呎的灰暗……
我發瘋了！

我不敢跟妳說，今天我擔心死了，打了廿多次電話，可是回應的是機械式的接線聲音，跟我的內心作了一次很深層次的共鳴。我有發短訊給妳，可是一個也沒有回覆，難道我打的東西，全都成了詞不達意的符號？很久沒有這樣的心跳，快死了…我跟心臟。一個人…不正確一點，一個男人，在車上飲泣，不是難看的問題，而是難過的問題。早就不相信男兒有淚不輕彈，因為傷心的人是無力的。為了想妳而哭沒有什麼大不了，問題是我是否太懦弱呢？

PS.這一個他跟愛侶鬧翻了，對方不願聽他的一字一句，有誰比他更寂寞呢？

灰‧一個人的小小說

2007-10-11T10:48:00.000+08:00

灰‧一個人的小小說

在灰色的天氣下談灰色的心情，
真的心灰意冷。
難道古人說謊？
人生不如意究十常不九？
偏偏我碰的牆壁盡是灰色的…無盡的灰…灰……

一個人站在無人的公車站，等無人搭乘的公車。我發現公路是灰色的，街上的牆壁是灰色的，連我身上的襯衣也是灰色的，還好我的頭髮並不至灰色的老。剛剛從辦公室走出來，在電話中聽老友的苦水，苦水不吐不快，不快可以叫人沈重得抬不起頭來。又是失戀這永恆不變的主題，人不是會經一事長一智的嗎？

車來了，該死！公車給廣告商噴他一個灰的模樣！車內只有兩人，車長和我。冷風透過窗邊吹進車廂內，衣履單薄的我禁不住抖起來。這時候不知道遠方的妳在幹什麼呢？在洗澡嗎？在跟朋友聊天嗎？夏天的日子，灰沒有空調的斗室內，一定不會覺得舒服吧！朋友失戀了，我很不開心，因為我怕下一位男主角是我。還有多少的日子呢？五百多天的日子不易過啊！上一次通電已經是一個月前了，我知道大家都在忙，難道一通電話的時間都是奢侈嗎？不經不覺要下車了。

該死的灰色的天氣，下著令人感冒的微雨，怎教我不感傷呢？我低著頭漫步我們走過的街，就在轉角的地方，仍然留下我們的味道，不多不少的環繞著第一條電燈柱。電燈柱柱子是灰色的，可燈泡是橙色的，是眼下唯一的橙色，跟灰色的四周形成強烈的對比。再過兩枝燈柱就是我家的家門，心情因橙色的燈泡而些微得到安慰。
門外紅色的信箱有一封信，是誰的？是妳寄來的嗎？不…只是信用卡的宣傳單而已。

當我脫下夾克，將鞋子放好的時候，我知道日子仍然要過，縱然沒有戲劇的大團圓結局，妳不會突然出現在我身邊，我仍然相信我們的愛情。因為妳為我們挑選的牆紙是綠色的。

PS.很久沒有寫東西，這一篇是重新起步之作，謝謝欣賞！

當愛如沖淡了的茶……

2007-10-11T10:47:00.000+08:00

當愛如沖淡了的茶……

我問自己，當愛有如沖淡了的茶，我會如何？嗯……不知道，濃茶對身體無益，可是太淡、淡如白開水的話，我會問﹕我在喝茶嗎？真矛盾……我身邊的不少朋友、同事對我說﹕我不會再多想，我對其他的女性沒有興趣，我只想早一點結婚，我想早一點有孩子，有自己住的地方……我一年前也是這樣。可惜我幹得不夠徹底，或者我天生就不是那一種追求安安穩穩的人吧。我的朋友大概喜愛喝龍井，因為茶葉在第一、二次沖泡過程中味道仍然很淡，味道仍未泡出來，他們就好像不待茶葉由第一泡洗淨茶葉的人一樣，又急忙的喝下第二泡沖出的淡味，龍井好喝嗎？不知道。要是有心機的朋友，他們會漫漫的再多泡一下，第三、四泡就出茶味，不過欠耐性的人，很可能會放棄泡茶，就好像有些人會努力維繫彼此之間的愛情，有些人卻不願維持一段淡而無咪的愛情……

我不愛龍井，我愛喝壽眉，愛其濃且味甘，可再三玩味……可能欠缺耐性吧！

Yahoo唔知搞乜鬼...我無左個A/C......

2007-10-09T13:50:00.000+08:00

Yahoo唔知搞乜鬼...我無左個A/C......

我Yahoo個A/C唔知做乜自己改左密碼……
無奈上網搞下喇，因為用左成年時間搞blog，同識左D blog友，想"救返"……
點知一路搞一路有問題，好似問左D唔知幾時set既問題，又話我用既預用電郵有問題…
一睇，梗有問題喇！so-net都執左喇！！唉………

我只有另開一個喇！唔用Yahoo…唔開心！！
不過我會Copy舊blog D 野，希望大家都支持！

sillybilly
09/10/2007